સી.આર.પાટીલ પાસે ખંડણી માંગનાર આરોપીનો કબ્જો મેળવ્યો મોરબી પોલીસે
ભાજપના પ્રદેશ અધ્યક્ષ સી.આર.પાટીલ અને ભાજપની પ્રતિષ્ઠા ખરડાઈ તેવો વીડિયો બનાવી રૂપિયા 8 કરોડની ખંડણી માંગનાર શખ્સ વિરુદ્ધ સુરતમાં ગુન્હો નોંધાયા બાદ તા.25 જુલાઈના રોજ આ શખ્સ પકડાઈ જતા પોલીસ રિમાન્ડ દરમિયાન આરોપીએ મોરબીની જે.કે.હોટલ અને મહેશ હોટલમાં ગુન્હો આચર્યા બાદ ખોટા નામે ખોટુ આધારકાર્ડ રજૂ કરી આશરો મેળવ્યો હોવાની કબૂલાત આપતા મોરબી સીટી એ ડિવિઝન પોલીસે બે શખ્સો વિરુદ્ધ નામજોગ અને તપાસમાં ખુલે તે તમામ વિરુદ્ધ ભારે ખમ્મ કલમો મુજબ ગુન્હો નોંધ્યા બાદ આરોપી જિનેન્દ્ર શાહનો ટ્રાન્સફર વોરંટથી કબ્જો મેળવી મોરબી લાવવામાં આવ્યો છે.
પ્રાપ્ત વિગતો મુજબ મૂળ રાજકોટના સરધાર ગામના વતની અને હાલમાં દિપમાલ બંગ્લોઝ ઓલ્ડ કેડીલારોડ, ઘોડાસર, જગદિશ સોસાયટી, પાછળ અમદાવાદ ખાતે રહેતા જીનેન્દ્ર ભરતભાઇ શાહ ઉ.25 નામના શખ્સે ભાજપ પાર્ટી ગુંડાઓની અને ભ્રષ્ટાચારીઓની પાર્ટી હોવાનું જણાવી પ્રદેશ ભાજપ અધ્યક્ષ સી.આર.પાટીલ વિશે અપમાનજનક ટિપ્પણી કરતો વીડિયો બનાવી રૂપિયા 8 કરોડની ખંડણી માંગી હતી અને બાદમાં સોશ્યલ મીડિયામાં આ વીડિયો વાયરલ કરતા સુરત પોલીસ મથકમાં ગુન્હો નોંધવામાં આવ્યો હતો. જો કે, ગુન્હો નોંધાતા જ પોલીસ કાર્યવાહીથી બચવા જીનેન્દ્ર નાસતો ફરતો હતો એ દરમિયાન સુરત પોલીસે આરોપીને તા.25 જુલાઈના રોજ ઝડપી લઈ કોર્ટમાં રજૂ કરી રિમાન્ડ મેળવતા આરોપીએ પોતાની ઓળખ છુપાવી ખોટા પુરાવાઓ સાથે મોરબીની હોટલમાં રોકાયાની કબૂલાત આપી હોવાની મોરબી પોલીસને જાણ કરતા મોરબી સીટી એ ડિવિઝન પીએસઆઇ અશોકભાઇ વી. પાતળીયાએ આરોપી જીનેન્દ્ર શાહ અને ખોટા આધરકાર્ડની વ્યવસ્થા કરી આપનાર વિજયસિંહ રજપૂત તેમજ તપાસમાં ખુલે તે તમામ વિરુદ્ધ આઇપીસી કલમ ૨૧૨, ૪૧૯, ૪૬૫, ૪૬૭, ૪૬૮, ૪૭૧, ૧૨૦બી,૩૪ મુજબ ગુન્હો રજીસ્ટર કર્યો હતો.
About The Author
That is a long established fact that a reader will be distracted by the readable content of a page when looking at its layout. The point of using Lorem Ipsum is that it has ab more normal distribution of letters, as opposed to using content here.
