ટંકારા તાલુકામાં ભાજપમાં જ ભંગાણ: ટંકારા તાલુકા પંચાયતની કારોબારી સમિતિની રચનામાં ભાજપના જ મેન્ડેડનો ઉલાળીયો
ભાજપમાં ભંગાણ: ટંકારા તાલુકા પંચાયતની કારોબારી સમિતિની રચનામાં ભાજપના મેન્ડેડનો ઉલાળ્યો
મોરબી જીલ્લામાં આવતી ટંકારા તાલુકા પંચાયતમાં આજે કારોબારી સમિતિ અને સામાજિક ન્યાય સમિતિની રચના કરવામાં માટે સામાન્ય સભાનું આયોજન કરવામાં આવ્યું હતું જેમાં કારોબારી સમિતિની રચનામાં ભાજપના મેન્ડેડનો ઉલાળ્યો કરીને ભાજપના સભ્યો દ્વારા કોંગ્રેસનાં ટેકથી હાલમાં ભાજપમાં બાળવો કરનારા દ્વારા સમિતિની રચના કરવામાં આવી છે જે મુદો હાલમાં મોરબી જીલ્લામાં ચર્ચાનો વિષય બનેલ છે
ટંકારા તાલુકા પંચાયતમાં આજે પ્રમુખના અધ્યક્ષ સ્થાને સામાન્ય સભાની બેઠકનું આયોજન કરવામાં આવ્યું હતું જેમાં કારોબારી સમિતિ અને સામાજિક ન્યાય સમિતિની રચના કરવાની હતી જેમાં સામાજિક ન્યાય સમિતિમાં એક જ નામ હોવાથી હરીફ જાહેર કરવામાં આવેલ છે જો કે, કારોબારી સમિતિની રચના કરવામાં આવી તેમાં ભાજપ તરફથી સમિતિમાં જેના નામ મૂકવામાં આવ્યા હતા તે ભાજપના મેન્ડેડનો ઉલાળ્યો કરીને ભાજપના ચૂંટાયેલા સભ્યોએ કોંગ્રેનો ટેકો લઈને હાલમાં બળવો કરનારાઓએ સમિતિની રચના કરી નાખેલ છે જેની વધુમાં મળતી માહિતી મુજબ ભાજપે પાંચ સભ્યોના નામ સાથેની સમિતી મૂકી હતી જેને માત્ર એક મત મળે છે જો કે, બળવો કરનારાઓએ છ સભ્યોના નામ સાથેની સમિતિ ટંકારા તાલુકા પંચાયતના પૂર્વ પ્રમુખ પુષ્પાબેન પ્રભુભાઈ કામરીયાએ રજુ કરી હતી જેને ૧૧ મત મળ્યા હતા જેમાં કોંગ્રેસેના સભ્યોના પણ મત હોવાથી રાજકીય ગરમાવો આવી ગયેલ છે અત્રે ઉલ્લેખનીય છે કે, તાલુકા પંચાયમાં કુલ ૧૬ સભ્યો છે જેમાં ભાજપના ૯, કોંગ્રેસનાં ૬ અને એક અપક્ષ છે બે સભ્યો ગેરહાજર હતા જેથી ૧૪ સભ્યોની હાજરીમાં સમિતિની રચના કરવામાં આવેલ છે અત્રે ઉલ્લેખનીય છે કે,
ટંકારા તાલુકા પંચાયતના પ્રમુખ છાયાબેન અરવિંદભાઈ માડવીયા કે ઉપપ્રમુખ ચાર્મીબેન ભાવિનભાઈ સેજપાલ હાજર હોવા છતાં પણ તેને ભાજપે મુકેલ સમિતિ કે પછી બળવો કરનારે મૂકે સમિતિમાં મતદાન કર્યું નથી એટ્લે કે સભામાં હાજર રહેલા ૧૪ માંથી ૧૨ સભ્યોએ મતદાન કર્યું હતું
ભાજપ દ્વારા મુકાયેલ સમિતિના સભ્યો
કલ્પેશભાઇ દલસાણીયા, રમીલાબેન દેત્રોજા, ચાર્મીબેન ભાવીનભાઇ, મણીલાલ ડાયાલાલ અને સલીમભાઇ આબ્રરાણી
બળવોથી બનેલ સમિતિના સભ્યો
પુષ્પાબેન પ્રભુભાઇ કામરીયા, નીમુબેન ડાયાલાલ ડાંગર, રમીલાબેન લાલજીભાઇ દેત્રોજા, મણીલાલ ડાયાલાલ કુંડારીયા, અરવિંદભાઇ મોહનભાઇ દુબરીયા અને ગીતાબેન શક્તિવનભાઇ ભોરણીયા
About The Author
That is a long established fact that a reader will be distracted by the readable content of a page when looking at its layout. The point of using Lorem Ipsum is that it has ab more normal distribution of letters, as opposed to using content here.
