પી. એમ.શ્રી સજનપર પ્રા .શાળામાં ગણિત વિજ્ઞાન,પુસ્તક અને રમત ગમત સાધનોનું પ્રદર્શન યોજવામાં આવ્યું
આજરોજ *પી.એમ. શ્રી સજનપર પ્રાથમિક શાળા* માં શાળા કક્ષાએ *ગણિત-વિજ્ઞાન પ્રદર્શન* અને *પુસ્તક પ્રદર્શન* તેમજ *રમત ગમતના સાધનો* નું પ્રદર્શન યોજવામાં આવ્યું હતું.
આ કાર્યક્રમમાં ખાસ ઉપસ્થિત રહેલ જિલ્લા વિકાસ અધિકારી સાહેબશ્રી પ્રજાપતિ સાહેબના હસ્તે ગણિત-વિજ્ઞાન પ્રદર્શન ખુલ્લું મુકવામાં આવ્યું હતું સાથે સાથે નાયબ જિલ્લા પ્રા. શિક્ષણાધિકારી સાહેબ શ્રી દિનેશભાઈ ગરચર, ટંકારા તાલુકાના તાલુકા પ્રાથમિક શિક્ષણાધિકારીશ્રી જીવણભાઈ જારીયા, ટંકારા તાલુકા પ્રાથમિક શિક્ષક સંઘના પ્રમુખશ્રી અને બી. આર. સી.કો-ઓર્ડનેટરશ્રી કલ્પેશભાઈ ફેફર, ટીચર્સ ટ્રેઈનર અને કોઓર્ડીનેટરશ્રી પ્રવીણભાઈ ભોરણીયા સાથે સી.આર.સી. કો-ઓર્ડનેટરશ્રી શૈલેષભાઇ સાણજા, તાલુકા શાળાના આચાર્યશ્રી નિલેશભાઈ સીણોજીયા તેમજ ગામના સરપંચશ્રી વિનોદભાઈ સિણોજીયા અને દૂધ ઉત્પાદક મંડળીના મંત્રીશ્રી કેશુભાઈ રૈયાણી SMC ના અધ્યક્ષ લાલજીભાઈ મકવાણા અને ગામના આગેવાનો અને બહોળી સંખ્યામાં વાલીશ્રીઓ ખાસ ઉપસ્થિત રહ્યા હતા.
આ કાર્યક્રમમાં શાળાના બાળકો દ્વારા જુદી જુદી 62 કૃતિઓ રજુ કરેલ હતી જેમાં રોકેટ લોન્ચર, ગ્રાસ કટર, રોબોટિક મોડેલ, સોલાર સિસ્ટમ જેવા અનેક વર્કિંગ મોડેલ રજુ કર્યા હતાં તેની સાથે સરકારશ્રી તરફથી મળેલ પુસ્તકાલયના વિવિધ પુસ્તકોનું પ્રદર્શન યોજવામાં આવ્યું હતું જેમાં બહોળી સંખ્યામાં ગામલોકો અને વાલીશ્રીઓ જોડાયા હતા અને પોતાના વાંચન માટે પુસ્તકો લઇ ગયા હતાં.
આ સાથે સરકારશ્રી તરફથી મળેલ રમત-ગમતના સાધનોનું પણ પ્રદર્શન રાખવામાં આવેલ હતું જેમાં આર્ચરી,ક્રિકેટ કિટ, ચેસ, વોલીબોલ,ગોળા, ચક્ર, બરછી લેજીમ વગેરે જેવા સાધનોનું પ્રદર્શન કરવામાં આવ્યું હતું.
ગણિત-વિજ્ઞાન પ્રદર્શન માટે શાળાના શિક્ષિકા બહેનશ્રી દલસાણીયા ડિમ્પલબેનએ તમામ કૃતિઓ તૈયાર કરાવવા ખૂબ જહેમત ઉઠાવી હતી સાથે સાથે પુસ્તક પ્રદર્શન અને રમત ગમતના સાધનોના પ્રદર્શન માટે શાળાના તમામ શિક્ષકોએ ખૂબ જહેમત ઉઠાવી હતી.
સમગ્ર કાર્યક્રમના ખૂબ જ સફળ આયોજન બદલ ગ્રામ પંચાયતના સરપંચશ્રી વિનોદભાઈ સીણોજીયા અને આચાર્યશ્રી અલ્પેશભાઈ પુજારાએ તમામ શિક્ષકોને ખૂબ ખૂબ અભિનંદન પાઠવેલ હતા અને પધારેલ સર્વે મહેમાનશ્રીઓ અને ગામલોકોનો આભાર વ્યક્ત કરેલ હતો.
About The Author
That is a long established fact that a reader will be distracted by the readable content of a page when looking at its layout. The point of using Lorem Ipsum is that it has ab more normal distribution of letters, as opposed to using content here.
