સુપ્રીમ કોર્ટે કેન્દ્ર સરકારને 11 લાખ પેન્શનધારકોને 3 હપ્તામાં બાકી એરિયર્સની ચુકવણી કરવા કર્યો ઓર્ડર
સુપ્રીમ કોર્ટે વન રેન્ક વન પેન્શન પર મહત્વનો ચુકાદો આપ્યો છે. સુપ્રીમ કોર્ટે વન રેન્ક વન પેન્શન પર કેન્દ્ર સરકારને કડક આદેશ આપ્યો છે. કોર્ટે કહ્યું કે 70 વર્ષથી વધુ ઉંમરના લોકોને 30 જૂન પહેલા ચૂકવણી કરવી જોઈએ. સર્વોચ્ચ અદાલતે કેન્દ્ર સરકારને ઝટકો આપતાં ચાર હપ્તામાં એરિયર્સ ચૂકવવાની માંગને ફગાવી દઈને પેન્શનરોને ત્રણ હપ્તામાં ચૂકવણી કરવાનો નિર્દેશ આપ્યો છે.કોર્ટે વન રેન્ક વન પેન્શન અંગે આદેશ જારી કરી દીધો છે. પરંતુ સરકારે કોઈ નક્કર પ્રસ્તાવ આપ્યો ન હતો. હવે સરકાર કહે છે કે એક જ સમયે ચૂકવણી કરવી મુશ્કેલ છે અને અદાલતને ચાર હપ્તામાં ચૂકવણી કરવાનું કહ્યું. જેને ચીફ જસ્ટીસ ડીવાય ચંદ્રચુડની બેન્ચે સ્વીકાર્યું ન હતું. અને ત્રણ હપ્તામાં ચૂકવણી કરવાનો નિર્દેશ કર્યો હતો.કેન્દ્રએ કોર્ટને જણાવ્યું હતું કે 10-11 લાખ પેન્શનધારકોના એરિયર્સ આ વર્ષે 31 ઓગસ્ટ, 30 નવેમ્બર અને આવતા વર્ષે 28 ફેબ્રુઆરી સુધીમાં ચૂકવવામાં આવશે. કોર્ટે સ્પષ્ટ કર્યું કે આનાથી ભૂતપૂર્વ કર્મચારીઓના પેન્શનની સમાનતા પર કોઈ અસર નહીં થાય.
અગાઉ 13 માર્ચે રક્ષા મંત્રાલયના 20 જાન્યુઆરીના સંદેશાવ્યવહારની નોંધ લેતા કોર્ટે કહ્યું હતું કે સરકાર પેન્શનરોને ચાર અર્ધવાર્ષિક હપ્તાઓ એટલે કે બે વર્ષમાં એરિયર્સ ચૂકવશે. જ્યારે કોર્ટે તેનો સ્વીકાર કર્યો ન હતો. પેન્શનરોની ચૂકવણી માટેનું બજેટ 5 લાખ કરોડ રૂપિયા છે અને ફેબ્રુઆરી મહિના સુધી 1.2 લાખ કરોડ રૂપિયા ચૂકવવામાં આવ્યા છે.
About The Author
That is a long established fact that a reader will be distracted by the readable content of a page when looking at its layout. The point of using Lorem Ipsum is that it has ab more normal distribution of letters, as opposed to using content here.
